पिछला छैल़ ठुआल़ीत्ता,
नौंआं साल बिहाल़ीत्ता।
धरत उआज्जां कड्ढा दी,
बैह्मी भूत्त नकाल़ीत्ता।
होणी रोज तरक्की ऐ ,
फोकट - कीड़ू ताल़ीत्ता।
कदर बधी ऐ गुणियें दी,
औगुणियें जो टाल़ीत्ता।
बोझ घटी जा टैक्सां दा,
नोक्खा दिय्या वाल़ीत्ता।
मिलियै अज्ज गरीबी दा,
थोबड़ खूब गुआल़ीत्ता।
झंडा चुक्की भारत दा,
रूप 'नवीन' सुआरीत्ता।
✍️ नवीन हलदूणवी
काव्य-कुंज जसूर-176201,
जिला कांगड़ा, हिमाचल।
No comments:
Post a Comment