लोक्कां ढिबरी टैट करीत्ती,
बन्द असां दी चैट करीत्ती।
पाई करियै खूब खतोल्ला,
झुग्गी मल़िया मैट करीत्ती।
किंह्यां बधगा भाई - चारा,
धान्नी फसल छल़ैट करीत्ती?
चौंईं पास्सैं भगदड़ पेई,
बझियैं ड्यूटी नैट करीत्ती।
देस्से जो कुण पुच्छा करदा,
जनता बी रड़कैट करीत्ती?
जोत 'नवीन' जगाणे ब्हाल़ैं,
स्हाड़े अंदर लैट करीत्ती।
✍️ नवीन हलदूणवी
8219484701
काव्य - कुंज जसूर-176201,
जिला कांगड़ा ,हिमाचल प्रदेश।
No comments:
Post a Comment