कर्फ्यू

कर्फ्यू लगया चहुं चफेरे

सारे माणु अंदर घेरे

जिंदगिया च एहड़ा खेल नी था देख्या

देखे थे असें खेल बतेरे

सारा देश हुई गया बंद

घरा ते नी कोई निकली सकदा बाहर

कोई बचारा फसी गया पुणे,मुम्बई

कोई फसी गईरा लखनऊ हरद्वार

कुछ तां कष्ट सहने पौना

जे अपणी कने अपणेयां री जिंदगी बचानी

ईसा रा लाज पता नी कुसी जो बी चलया

कुत्ता ते आई गई ये बीमारी खसमा खाणी

दूर दूर असां रहणा

एक दूजे रे नेड़े नी औणा

कुछ दिनां तक किसिरे बी घरें

नी जाना असां बनी कने परोहणा

बच्चे कने बुजुर्ग

हुंदे इक समान

झट बाहरा जो दौड़ी जाएं

जे रखो नी इन्हांरा ध्यान

घरा ते बाहर नी निकलो कोई

कर्फ्यू जो सफल बनाना

सैजे छोरू इयांई दौड़ी रे बाहर

तिन्हांजो बी समझाना

जे नी मनगे इयाँ 

तां पुलसा आलेयां पूछना तिन्हारा हाल

छितर परेड बी होनी

कने पछवाड़ा बी करना लाल

जे चेन एक बार टूटी गई

तां सबी खातर हा खरा

मिली जुली नी कुछ बी करना

कले कले हुई कने लड़ा

इकियाँ दिनां रा नियाँ कुछ

है नी ये बड़ी गल

जे रहंगे घरा रे अंदर

तां निकली जाणा कोई न कोई हल

✍️ रविंदर कुमार शर्मा