लुतरा--पुतरा दे खड़कन्नू,
लीक्कां उकरा दे खड़कन्नू।
फसलां देस्सैं देन जुआड़ी ,
लुंगां कुतरा दे खड़कन्नू ।
न्हस्सी पौंदे छेड़ा सुणियैं ,
जाड़ां उतरा दे खड़कन्नू।
हौल़ै छात्ती ठोरै काच्छू,
दौड़ी उदरा दे खड़कन्नू ।
आस्सैं---पास्सैं डैंजकडींजा,
काल्हू सुधरा दे खड़कन्नू ?
लाई रोज 'नवीन' भलेक्खा,
अप्पू मुकरा दे खड़कन्नू ।।
✍️ नवीन हलदूणवी
काव्य-कुंज जसूर-176201,
जिला कांगड़ा, हिमाचल।
No comments:
Post a Comment