स्हाड़े पल्लैं रोट कुथू ऐ,
दुनियां तोप्पै वोट कुथू ऐ?
धरतू-गास्सैं बाज्जा बज्जै,
छैल़ नगारैं चोट कुथू ऐ?
खिंद-खदोल्लू लीरां-लीरां,
परुआरां दी टोट कुथू ऐ?
चौंईं कूंट्टां होन घुटाल़े,
दो नंबर दा नोट कुथू ऐ?
घोल़ घुल़ाट्टी पौआ करदी,
खुन्नीं खुट्टी खोट कुथू ऐ?
देस 'नवीन' सिओआ सुच्ची,
बड़बोल्ला हुण भोट कुथू ऐ?
✍️ नवीन हलदूणवी
काव्य-कुंज जसूर-176201,
जिला कांगड़ा, हिमाचल।
No comments:
Post a Comment