आई ब्हार बसंते दी,
ठंडू दे हुण अंते दी ।
बधिया पौंगर पौआ दी ,
छैल़ बगीची बंते दी ।
होणी खूब तरक्की ऐ,
गल्ल खरी ऐ पंते दी ।
उच्चा झंडा भारत दा ,
दुनियां काल - कलंते दी ।
पाणी सज़रा पीणा ऐं ,
बुज्झी धूणीं म्हंते दी ।
मुड़ियै रौणक आई ऐ ,
मुरली गूंजै संते दी ।
देन बधाई कवियां जो ,
कवता छैल़ अनंते दी ।
फुल्ल 'नवीन' खिड़ी पे जी,
औण बधी ऐ कंते दी ।
✍️ नवीन हलदूणवी
काव्य - कुंज जसूर-176201,
जिला कांगड़ा, हिमाचल ।
No comments:
Post a Comment