अज्ज तुआरे दी ऐ छुट्टी,
पीणीं ऐं जीणे दी घुट्टी ।
प्हाड़ी मित्तर बोल्ला करदे,
जंजाल़ां जो पाणा जुट्टी ।
खिल्ले खेत्तर बाह्णां पौंणे,
रजियै जे खाणीं ऐं रुट्टी।
मघिआई जो नत्तड़ पाई,
पैन्नीं बी करनीं ऐं खुट्टी ।
भारत अपणा करै तरक्की,
दुनियां दी निन्दर ऐ टुट्टी।
छन्दां दी करियै रखुआल़ी,
खूब 'नवीनैं' माल्ली लुट्टी।।
✍️ नवीन हलदूणवी
काव्य-कुंज जसूर-176201,
जिला कांगड़ा, हिमाचल।
No comments:
Post a Comment