कवता ब्हाले भट्ट मुकी गे,
भलुआन्ना दे पट्ट सुकी गे।
अक्कड़खोर जमान्नें दिक्खी,
वेगुरपीरे झट्ट झुकी गे।
खंब्बल़खच्चा रोज पुआई,
वेह्ले - बूस्सर जीह्व टुकी गे।
देस-सिओआ जो कुण पुच्छै,
मार फराट्टी फट्ट लुकी गे?
मगज़े खूब खपाई जा$ दे,
अपणे भित्तां लोक ढुकी गे।
सच गद्दार 'नवीन' गणैड्डे,
जेल्लां ते बी अज्ज छुटी गे।
✍️ नवीन हलदूणवी
काव्य - कुंज जसूर-176201,
जिला कांगड़ा ,हिमाचल प्रदेश।
बड़ा छैल़ सृजन
ReplyDelete