फड्डी बी गे झंडे गड्डी,
मीद्दी बी हुण होए फड्डी।
देसद्रोहिये मौज़ां लुट्टण,
भगत वचारे जाऽ दे डड्डी।
सच्चाई ऐ निरी डरौकल़,
झूठे दी छू: होई बड्डी।
ढेरमढेरे कुड़म कमीन्ने,
दाज्जे तोप्पण मुंह्मेंटड्डी।
सुच्चे लोचक गेन गुआच्ची,
घर-घर भाइयो छल़कबड्डी।
किंह्यां होंग "नवीन" गुज़ारा,
वेपीरे पड़सद्दे छड्डी?
✍️ नवीन हलदूणवी
काव्य - कुंज जसूर-176201,
जिला कांगड़ा ,हिमाचल प्रदेश।
No comments:
Post a Comment