मनायों युवा दिवस पर लौआ समाजा रे कठे ऐहडा प्रण।
विवेकानंदा साही देशा रा कठे करी देहेंगें सर्वस्व अर्पण।।
लम्बी उम्र जी के क्या करना जे न हो समाजा री भलाई।
विवेकानंदे छोटी उम्ररा मंझ सभी जो नौई राह दिखाई।।
विदेशा री धरतिया भारता री संस्कृतियां रा बाजया डंका।
सांप सपेरेया भारत देश नी हया इधी री मिटायी शंका।।
भारते रे वेदा शास्त्रा रा ज्ञान सभनी जो विवेकानंदे समझाया।
भारता री साखा जो विदेशा होर देशा मंझ खूब चमकाया।।
नौयें युगा रे लोक होर समाजे रे युवा हल करहा तरक्की रे सवाल।
मिली के करा देशा री तरक्की आपू संभल्ला होरी जो संभाल्ला।।
✍️ हीरा सिंह कौशल
गांव व डाकघर महादेव
तहसील सुन्दर नगर
जिला मंडी हिमाचल प्रदेश।
No comments:
Post a Comment