Sunday, 1 March 2020

माणुस दा दरवारा प्हाड़ैं

सप्पां दा फणकारा प्हाड़ैं  ,
सिव जी दा जैकारा प्हाड़ैं ।

बद्दल़ गड़कन काल़े-काल़े,
विजल़ी दा लसकारा प्हाड़ैं ।

गीत्तां  गांदे  चिड़ू - पखेरू ,
कुदरत  रूप-नज़ारा  प्हाड़ैं ।

दुसमण न्हस्सण दूर-दरेड्डैं,
सुच्चा      भाईचारा     प्हाड़ैं ।

छात्ती   ताणी   वीर   खड़ोत्ते ,
शेरां   दा   ललकारा    प्हाड़ैं ।

'नवीन'  करदा  ऐ  रखुआल़ी ,
माणुस   दा   दरवारा    प्हाड़ैं ।
       
✍️ नवीन हलदूणवी
काव्य-कुंज जसूर-176201,
जिला कांगड़ा,   हिमाचल।

No comments:

Post a Comment