भोले रा द्वारा

महादेवा रे भोले रा द्वारा बड़ा बांका बड़ा प्यारा।

सांझा भ्यागा लोक करांहे भोले री जय जयकारा।। 

भोले री पींडियां पर ऐथी पौउंदी  दूधा रीया धारा ।

ग्वाले साऊगी लोक भी देखदे रहेंदे थे नौखा नजारा।। 

एकी राती मंझ पांडवे मंदिर बनायी ता था ऐ सारा। 

खूहा खणदे खणदे पांडवा सूझी जो गया था पाताल सारा।। 

बरखा नीं हुंदी बरखा रे कठे गड्डुआ ढाल्लां राजा सुकेता रा।

पाणी खूहा मंझ मिलदे ही बरखा छम-छम कराहां अम्बर सारा।।

भोला हे भंडारी ऐसरा सारे संसार मंझ सकल पसारा। 

आओ ऐसरे चरणा ते सीस झुकाओ पाओ सुख सारा।।

✍️ हीरा सिंह कौशल 

     महादेव, सुंदरनगर 

     मंडी, हिमाचल प्रदेश।